ئەو کەسێن ب ئارمانجێن تە دکرە کەنی دێ روژەکێ مەتحا ب هەبونا تە کەن
ئەز هوسا ژیام, ئەز هوسا فێرکرم, ژیان جهێ نەخوشیایە کەسێن ب هێز ئەون یێن بێ دەنگیێ دهەلبژێرن نە گرنگە چ گازی د سینگێ وان دا بلند بن, ئەگەر تە بو ئارمانجا خو کار کر تو خو پەرستی, ئەگەر تە پشتا خو دا ژیانا خو و بو خەلکی کار کر تو جامێری, دڤێت باشیێ دگەل خەلکی بکەی و نەفسا خو ژبیر کەی, باشی ئەوە تو مافێ نەفسا خو بخوی و چاکیێ دگەل مروڤا بکەی, ئێک سەر مروڤ تە سزا ددەن ئەگەر تە ڤیا ب تنێ بو ئارمانجا خو کار کەی, هەر دەم تو یێ خەلەتی ئەگەر تو بەر سینگێ ئاخفتنا زورینە بگری, هەمی دەما زورینە یا درستە کەسێن دی خەلەتی یێ ژێ دبارن, ئەگەر تە هەڤالینی کر دڤێت وان بکەیە بەراهیێ خو, ئەگەر تە حەژێکرن کر دڤێت قوربانی ژ تە بیت, ئەگەر پێدڤی تە بون دڤێت بەرەف وان بچی ئەگەر پێدڤی وان بوی دڤێت رێزێ ل کارێن وان بگری ئەو فەرترن
وەسا ل من هات ڤان یاسایا ئەز کرمە عاشقێ بێ دەنگیێ و دیرکەفتنا, و رەڤینێ ژ هەمی بەرسینگ گرتنا.
ئەرێ, ئەڤەیە هزرا زورینە ئەوا کو ناا بیت بەرسینگێ وێ بگری, یاسایا بەربەلاڤ دمێشکێ مروڤان دا ئەڤەیە (بو وان بژی و بهێلە نەفسا تە ژ قوربانیا ب هەلوەریت).
بهێزتر بە, ئەرێ هێزێ نیشا وان بدە, ژیان ژ ڤان پێناسا مەزنترە, نەفس ژ هەفسارا ب بهاترە, بەرسینگێ هزرا خەلەت بگرە هزرێن تە مافێ دەربرینێ یێ هەی کا چەوا وان هزرێن خو دەربرین, ل سەر تە نینە وەکی وان بژی کا چەوا ل سەر وان نینە وەکی تە بژین, قوربانیێ بو چ کەسا نەدە تو خودان ژیانەکا تایبەتی و ژیانا وان ژی ل دەف وان یا تایبەتە, ئەگەر تە خو بو وان چەماند گازندا نەکە ئەگەر د سەر پشتا تەرا بچن, ئەو هەست ب مەزنیا دەرونێ تە ناکەن مادەم ئەو ل دەف تە گەلەک د بلندن, وان فێرنەکە وەسا هزر بکەن تو یێ بو وان دژی دژیانا خو یا تایبەت دا بە, هەستێن خو درست دەربێخە, حەژێکرنا خو درست دەربێخە, کەساتیا خو نیشا وان بدە, پاشی ئەوێن خو نێزیکی تە دکەن ئەون یێن درست حەش تە دکەن, و ئەوێن دویر دکەڤن ئەون یێن هێزا تە کری و مێشکێ تە فروتی, ئەون یێن شیانێن تە خزمەتا وان دکر و کەساتیا تە بەرزە کری, بخەم نەکەڤە بلا دیرکەڤن, ژ ئارمانجا خو بێ هیڤی نەبە و ژ گوتنێن خەلکێ بێ ئارمانج نە ترسە, قوربانیا بو وێ ژیانێ بدە یا تو دخازی بو وێ ئارمانجێ یا ل دەف تە پیروز, و یێ پشت راست بە ئەڤرو خەونا تە یە و سوبەهی خودێ دێ وێ خەونێ کەتە واقعێ تە
ئەو کەسێن ب ئارمانجا تە دکرە کەنی دێ مەتحا ب هەبونا تە کەن. بخو بژی, ژیانا وان نە ل سەر تە یە و نە بوتەیە.
instagram: yusuf.asaad94
facebook: Yusuf Asaad
یوسف اسعد
5/12/2017
