روژ ل سەر چوونێ دبەردەوامن و دەم ل سەر بورینێ یێ رژدە و مروڤ ل سەر بێ رێزی و شکاندن و ئێخستنا مروڤا رژدترن، دل هاتنە شکاندن، مروڤ هاتنە بێ رێز کرن، ژیان ب زەحمەت کەفت، کەرب مەزن بون، پیلان بو بن پێ کرنێ هاتنە دانان، نە هەست نە دل نە ژیان نە رێز نە هەبون نە سەرکەفتن ئێدی بها نەما، و پاشی ........ نیشا مە دا حەژێکرنێ ژی روژەک یا هەی، کەسێن دل نازک، خودان هەست و پاقژی و تژی ژیان د وێ روژێ دا حەژێکرنا خو دیار دکەن، هەر وەکی دبێژنە من حەژێکرن دروژێن دی دا قەدەغەیە ژبەر وان کەرب و نە خوشیێن د جیهانێ دا بەلاڤ بوین، هەر وەکی دبێژنە من دێ روژەکێ ژیانێ دەینە تە و بەردەوام نەخوشی و مرن و بێ رێزی و نەبون دێ ل دور تە بن.
ژبلی ڤێ هەمیێ، هندەکێن دی یێن دبن ڤێ تێگەهشتنێ ژی دا دیار بون و هزر کر حەژێکرن ب تنێ دناڤ بەرا کچەکێ و کورەکێ دا چێدبیت کو د حەرامی دا کوم ببن، وان ئێک جار هزر تێک دان، نیشا خەلکی دا حەژێکرن و جوانی و ئارامی د حەرامی دا کوم دبن، خودێ هاریکارێ ملەتەکێ بیت لاسایی ل دەف وان پێشکەفتنە، بێ رەوشتی جورئەتە، هیوایەتا وان کومێدیا و پێکەنینن و خودێ خەمێن دلێ وان دزانیت.
چ جارا روژەک تێرا حەژێکرنا من ناکەت و چ جارا ئەز روژەکێ بو حەژێکرنێ دەست نیشان ناکەم، دەیکا من ژیانا خو دا من ب حەژێکرن، بابێ من ئارامیا خو تێک دا ب کارکرن و خوهــ دانێ ڤە ژبەر حەژێکرنا من برایێن من گرنگیا من نیشا من دا خیشکا من ئەز دچاڤێن خو دا مەزن کرم، ملەت وەلات ئاین ژیان هەمی پێتڤی حەژێکرنەکا بەردەوامە، و ئەو حەژێکرنا بو کچەکێ د سینگێ من دا کوم دبیت ژیان و هەبونا من ژی کوم دکەت بو دیارکرنا وێ حەژێکرنێ د سنورێن ئیسلاما پاقژ دا، ئارام دبم دگەل ئیسلامێ و یێ ژ گونەها خالی نینم و شاهدم کو گونەهێن من دلێ من یێ تەنگ کری.
پسیار ئەڤەیە, حەژێکرن چەند ژ روژەکێ مەزنترە؟ کێ روژەک بو حەژێکرنێ دانا؟ و ئەو کینە ژ وی خراپتر باوەرکری؟
یوسف اسعد
١٣ـ٢ـ٢٠١٨
یوسف اسعد
١٣ـ٢ـ٢٠١٨
ليست هناك تعليقات:
إرسال تعليق